华为首席财务官孟晚舟喺加拿大被捕一事不单引起外交角力,喺社会上仲掀起中外手机品牌之争。前保安局长、新民党主席叶刘淑仪话自己用紧三星手机,但未来都会转用华为,仲话通讯器材「用所有美国货都係危险嘅」;而该党副主席黎栋国兼又係前保安局长嘅黎栋国就话自己用咗小米手机好耐,大讚「平靓正」。

华为首席财务官孟晚舟喺加拿大被捕之后,前保安局长、新民党主席叶刘淑仪早几日话会改用华为手机。到噚晚,佢喺facebook话自己买咗华为手机,但就唔係自用嘅,而係捐畀新民党圣诞派对做抽奖礼物。

好运来电玩城手机版,华为首席财务官孟晚舟喺加拿大被捕之后,唔少建制派议员都表明支持国货,支持华为。继早前新民党主席叶刘淑仪买咗华为手机,捐畀党内做圣诞派对抽奖礼物,工联会立法会议员陆颂雄早几日都买咗华为平板送畀妈妈,仲话「係爱呀,毋须多讲」。

SKYCOM域名由华为登记 登记人与华为律师同名 华为律师:我不方便回答你

叶太噚晚喺fb上载一条自己亲自去时代广场买手机嘅片,话为咗支持华为,所以自己出钱买咗价值6888元嘅Mate
20
Pro。叶太又引述店员话,呢部手机「效能十分出众」,「手机内主要晶片也是由华为自行研发」,而且好受欢迎,「他们也只卖剩一部呢」。

陆颂雄喺facebook发帖,话上星期买咗一部国产平板送畀妈妈,「算係一份心意」。陆颂雄仲话坊间唔少数码产品价格好似海鲜一样,相机、手机,仲有平板电脑,一唔觉意就会买贵咗,所以每逢工作之后,就会顺道格价。最尾仲话「爱,毋须讲太多,有时一份心意,已足够」,仲指明呢一句係「双关」,唔知指咩呢?

叶太今朝喺港台节目上话,就算撇除孟晚舟事件,华为手机都十分受欢迎,而佢自己而家用紧三星,「我唔会用苹果,觉得唔係好安全」,未来换手机嘅话都会转用华为,「支持呢间表现非常好嘅公司」。佢又话除非冇取代品,否则通讯器材佢都会尽量避免用美国货,因为「从安全理由嚟睇,用所有美国货都係危险嘅」。至于点解危险呢?叶太就话,因为美国当局有权监察手机,而政治人物都会有敏感通讯,所以用国产软件硬件会安全啲。

买完机之后,叶太话原本谂住自用,但想到自己用紧嘅三星手机仲用得,故「为免浪费、製造更多电子垃圾」,决定将部机捐畀新民党做圣诞派对抽奖,「看看到时哪位幸运的同事能够获得这份价值$6888的圣诞礼物吧」。唔知中奖嘅同事点谂呢?

有网民就留言问部机係唔係中国製造,陆颂雄就话「菊花厂嘅嘢,应该全部中国製造了」。亦有人用简体字留言问:「亲,是我国的云OS系统吗?」另有人留言话Android喺外国产品,「要刬埋佢先用得呀!」