搭车要扣安全带大家都知,但搭旅游巴同巴士,就算座位有安全带,好多人都未必会扣。而内地喺呢方面原来都行得几前,仲有方法「逼迫」乘客扣安全带𠻹。

港珠澳大桥听朝举行开通仪式,Emily同部分香港嘅行家都係上星期收到中联办嘅「特急」採访通知,报名之后等完又等,到今日中午都仍然未收到正式嘅採访安排。Emily最终都决定提前过珠海,去到珠海中联办指定嘅酒店,最终都成功攞到採访证。

港珠澳大桥开通仪式今早在珠海口岸旅检大楼举行,主礼嘉宾进场时,国家主席习近平和身穿粉红色旗袍加外套的香港特首林郑月娥一同走在前头,引起热论。有份出席仪式的政务司长张建宗表示,该做法显示国家重视香港地位,人大前常委范徐丽泰则认为并非特别事。

话说Emily今朝喺珠海採访港珠澳大桥开通仪式,朝早6点左右,就按主办单位要求到酒店大堂接受安检,之后上旅游巴坐低,等其他记者做好晒安检先可以一齐出发。但喺旅游巴上等候期间,旅游巴不停发出「咇咇咇」声音,非常刺耳。到旅游巴开车前,先有职员提醒记者要扣好安全带,否则啲「咇咇」声就唔会停,一班行家当然即刻扣好晒安全带,旅游巴恢复宁静,大家都鬆一口气。

职员又派发咗23号採访嘅「温馨提示」俾记者,唔知係咪因为有领导人出席,份「温馨提示」无提及活动开始嘅时间同地点,净係话要6:10喺大堂安检,7:10开车出发,仲提醒记者,「活动现场请着装整齐,并务必将手机关机或调至静音模式」。

张建宗会晤传媒时称,有关做法反映国家明显重视香港地位,而林郑月娥是主礼嘉宾中唯一的女性,形容「万绿丛中一点红」。他称这是香港「一国两制」优势,应该好好把握,强调「国家全力支持香港发展」。

今日嘅开通仪式,大会到开始前一刻都无公布具体行程,净係要求记者朝早6点10分开始安检,7点10分开车出发。可能大会惊记者迟到,Emily今朝5点喺酒店房已经收到morning
call。

今次嘅採访,中联办同珠海当地嘅万豪酒店倾咗个「协议价格」俾记者预订,一晚盛惠600蚊人民币,包22号晚餐、23号早餐同午餐,咁睇嚟个开通仪式中午之前就会结束。酒店房间都相当浪漫,浴缸同房间之间嘅趟门可以完全打开,似乎都係比较适合情侣入住,Emily都只能望住个浴缸赶稿喇。

范徐丽泰则表示,林郑月娥是主礼嘉宾中唯一一位女性,「如果走在前面不是什么特别的事」,又说:「我们做香港人当然希望习主席对林太……即是……嗯……特别好感,当然希望是这样,但是否这样我真的不知道。」

今日参加仪式嘅嘉宾唔准带电话,但记者就可以,一如「两会」情况,唔少嘉宾到场后,都搵现场嘅记者帮手影相,而且都几有秩序,排晒队一批批咁影,加埋会场以红色为主嘅布置,Emily差啲以为去咗饮呀!班嘉宾最后都不忘叮嘱记者,要记得send返啲相畀佢哋。

至于其他嘉宾,例如立法会议员、大桥工程团队等,就住喺靠近横琴嘅「喜来登酒店」同「华发公寓」,同记者入住嘅酒店都有啲距离。无论係记者同嘉宾,住嘅酒店都距离港珠澳大桥有一定距离,最近嘅一定就係盛传国家主席习近平入住嘅「珠海渡假村酒店」,听闻酒店内都已经可以望到大桥同珠澳口岸人工岛𠻹。

港珠澳大桥开通相关新闻:

相关文章